طريقة عمل أصابع الكوسة في الفرن

المقادير:
½ كيلو كوسة مقطّعة صوابع
2 بيضة مخفوقة بالملح والفلفل الأسود
½ كوب جبنة شيدر مبشورة أو رومي
ملعقة كبيرة زيت ذرة
½ كوب بقسماط
ملح وفلفل أسود
الطريقة:
1- رشّي أصابع الكوسة بشوية ملح وفلفل أسود، وبعد كده حطّيها في البيض.
2- اخلطي البقسماط مع الجبنة الشيدر، وبعد كده حطّي الكوسة فيها.
3- رصّي الكوسة في صينية بايريكس مدهونة بملعقة زيت ذرة.
4- دخّليها الفرن على نار هادية لمدة نصف ساعة أو لغاية ما تلاقي لونها بقى دهبي،
وبعد كده خرّجيها وحطّيها في أطباق التقديم.. وبألف هنا وشفا.